ເປີດການກໍ່ສ້າງທາງເຂົ້າວັດ ບ້ານດົງທະດາ ເມືອງອາດສະພອນ ແຂວງສະຫວັນນະເຂດ

ໃນວັນທີ 24 ມັງກອນ 2025 ທີ່ຜ່ານມາ ໄດ້ຈັດພິທີເປີດການກໍ່ສ້າງທາງເຂົ້າວັດ ບ້ານດົງທະດາ ເມືອງອາດສະພອນ ແຂວງສະຫວັນນະເຂດ ໂດຍເປັນກຽດເຂົ້າຮ່ວມຂອງທ່ານ ນາງ ພອນທະວີ ລາດບໍວອນ ຮອງເຈົ້າເມືອງ ເມືອງອາດສະພອນ, ທ່ານ ພູວົງ ພະມີສິດ ກຳມະການສູນກາງແນວລາວສ້າງຊາດ ຫົວໜ້າທີ່ປຶກສາວຽກງານຊົນເຜົ່າ ແລະ ຄະນະປະທານໂຄງການ ຜູ້ດຳເນີນງານໃນຄັ້ງນີ້ ກໍ່ໄດ້ໃຫ້ກຽດເຂົ້າຮ່ວມ ພ້ອມນັ້ນ ຍັງມີຄະນະນຳພັກ-ລັດຂັ້ນເມືອງ ພ້ອມດ້ວຍແຂກຖືກເຊີນ ແລະປະຊາຊົນພາຍໃນບ້ານ ເຂົ້າຮ່ວມຢ່າງພ້ອມພຽງ.